‘Ika nga, love is the key to happiness, ‘teh! MISIS NA SA SANDALING MAHALIN ANG BATANG INAMPON AY TI

Maestro Honorio Ong

Dear Maestro,

Matagal naming hi­nin­tay na magka-baby, pero hindi kami sinusuwerte ng asawa ko, kaya naisipan na­­ming mag-adopt. May ampon kaming baby girl na isinilang noong Novem­ber 8, 2018, gusto kong ita­­nong kung ano ang magi­ging ka­palaran ng baby na­min? Ang sabi kasi, malas ang numerong 8, totoo ba ito?

Naguguluhan kami nga­yon, pero sana, suwerte ang maging dulot ng baby na ito sa buhay naming mag-asawa. July 14, 1983 ang birthday ko at March 7, 1982 naman ang mister ko.

Umaasa,

Luna del Sol ng Bangkal, Makati City

Dear Luna del Sol,

Madaling mauuna­waang dahil ikaw ay may birth date na 14 o 5 (1+4=5) sa zodiac sign na Cancer habang ang mister mo ay may birth date na weak number na 7, sa zodiac sign na Pisces, tunay ngang hindi magiging malas sa inyong mag-asawa ang sanggol na inyong inampon na may birth date na 8 na strong number sa zodiac sign na Scorpio.

Nangyaring hindi malas, sa halip ay masasabing su­werte sa inyong mag-asawa o pagsasama ang sanggol na may birth date na 8 dahil ang numero mong 5 ay suwe­tung-suweto at ka-compati­ble ng numerong 8 ng batang inampon ninyo kung saan masaganang kabuhayan ang idudulot sa inyo ng nasabing bata lalo na sa negosyo at sa mga may kaugna­yan sa ma­teryal na bagay.

Gayundin, ang weak number na 7 na siyang birth date ng mister mo ay sadyang masuwerte sa strong number na 8 ng baby na inampon ninyo kung saan ang strong number na 8 tulad ng nasabi na ang siyang magbibigay ng dagdag na lakas ng loob at inspirasyon sa mister mo.

Sa madaling salita, su­werte sa inyong mag-asawa ang inampon ninyong baby na may birth date na 8 habang patuloy ninyo siyang mina­ma­hal at inaaruga, marami pang magagandang kapalaran at mga pagpapala ang kusang ipagkakaloob sa inyo ng tad­hana lalo na sa inyong pa­milya ngayong 2019.

Sa larangan ng Astrology, mapapansin ang zodiac sign mong Cancer at Pisces naman ang mister mo habang Scor­pio ang baby ay masasabing compatible rin sa isa’t isa sa­pagkat kayong tatlo ay ka­pwa pinaghaharian ng ele­mentong tubig.

Ibig sabihin, magkakatug­ma ang inyong mga numero at zodiac sign, kaya kayong mag-asawa, imbes na malasin dahil sa inampon ninyong baby ay tiyak ang magaga­nap, darating ang takdang pa­nahong tuluy-tuloy kayong susuwertehin hanggang sa lu­mago nang lumago ang kabu­hayan ng inyong pamilya.

Samakatwid, tulad ng naipaliwanag na, hindi mo dapat isiping malas ang baby ninyo, sa halip, isipin mong siya ay suwerte at magdadala nang mas marami pang mga biyaya sa inyong pamilya na sa malapit na hinaharap ay ‘yun talaga ang mang­yayari na magsisimulang magkatotoo ngayong taon, sa edad mong 36 pataas at 37 naman si mister.