Malinaw ayon sa birthday...BEBOT NA NAKATAKDANG MAKAPAG-ASAWA NG LALAKING MAUNLAD ANG BUHAY

Maestro Honorio Ong

Dear Maestro,

Naisipan kong su­mangguni sa inyo upang alamin kung ano ang mangyayari sa aking kapa­laran?

Sa ngayon ay may work ako, pero sapat lang ‘yun para sa akin at ang isa ko pang problema, wala akong boyfriend kaya gusto kong malaman kung magkaka-boyfriend ako at kailan naman ito?

Nais ko ring malaman ang aking destiny number at kung ano ang kahulu­gan nito? December 12, 1989 ang birthday ko.

Umaasa,

Menchie ng Linao, Libon, Albay

Dear Menchie,

Ayon sa birthday mong December 12, 1989, ikaw ay nagtataglay ng birth date na 3 sa destiny number na 6 (12+12+1989=2013/ 20+13 =33/ 3+3=6) sa zodiac sign na Sagittarius.

Sa sandaling tuluyan nang umiral ang birth date na 3, ang destiny number na 6 at ang zodiac sign mong Sa­gittarius, sinasabing su­su­wertehin at aasenso ka na sa iyong career.

Ibig sabihin, anuman ang propesyon mo sa buhay sa ka­salukuyan, tiyak na mag­ta­tagumpay ka at tuluy-tu­loy na aasenso at uunlad.

Sa larangan ng pag-ibig, liligaya at uunlad ka naman kung ang pipiliin mong asawa o magiging boyfriend ay mas mataas sa iyo ang antas ng pa­mumuhay. Isang halim­bawa ng ganitong senaryo ay ‘yung hindi ka nakatapos ng pag-aaral habang ang ma­papangasawa mo ay col­lege graduate.

Kung graduate ka ng college, posibleng ang mapa­ngasawa mo ay may mataas na posisyon sa opisina o sa­bihin na nating mas nakaa­angat sa iyo ang kanilang kabuhayan.

Ganu’n ang dapat kau­wian at talagang mangyayari sa iyong career o sa aspeto ng propesyon at pag-aasawa kung saan kayong mga ta­ong tres (3) at taong sais (6) sa pa­nahong kayo ay nag-asawa na, palaging mas ma­taas ang antas o pamumuhay ng mapapangasawa ninyo at sa panahong bubuo na kayo ng sariling pamilya, ito rin ay garantiya na uunlad at ma­giging masagana ang itatayo ninyong pamilya.

Kapag naging mas ma­galing ka kaysa sa mapapa­ngasawa mo, tiyak ang ma­gaganap, malulung­kot at hin­di gaanong magi­ging suc­cessful ang mangya­yaring pagpapamilya sa iyo.

Su­ba­lit, huwag kang ma­lung­kot dahil minsan lang nang­yayari ang ganyang se­naryo sa kapalaran ng mga taong tres (3) at taong sais (6) na nag­kataong ikaw ay nagtatag­lay ng ruling planet na Jupi­ter.

Samantala, anuman ang mangyari, ayon sa Decadens ng Kapalaran ngayon 2019 hanggang 2020, sa edad mong 30 pataas, lalong ga­ganda at bubuti ang iyong ca­reer, kasabay nito sa pana­hong tinuran, magkaka-boy­friend ka na hanggang sa tu­luyang makapag-asawa ng lalaking mas magaling at ma­unlad sa iyo ang kalagayan sa lipunan na inyong ginaga­lawan. Ang lalaking ito na iyong mapapangasawa ay ka­salukuyan mo nang kaki­lala na isinilang sa buwan ng Mayo o kaya ay Hunyo na sa san­daling napangasawa mo na siya tulad ng paulit-ulit na sinasabi tuluy-tuloy at lalo pang uunlad ang iyong ca­reer, gayundin ang aspe­tong pang­kabuhayan hang­gang sa makapagpatayo na kayo ng isang masagana at ma­li­gayang pamilya, habam­buhay.