U.S.- China trade deal may 'big progres' -Trump

PROUD na proud ngayon si U.S. President Donald Trump dahil sa umano’y “big progress” ng posibleng trade deal sa pagitan ng China at Estados Unidos.

Nagkaroon umano ito ng “long and very good call” kay Chinese Presiden Xi Jinping nang pinag-usapan nila ang trade deal, ayon sa kanyang twitter post.

Gayundin, kinumpirma ng Chinese state media na nagkausap na ang dalawang lider.

Ayon kay Xi, umaasa ito na magkakaroon na ng kasunduan kung saan makikinabang ang dalawang panig sa lalong madaling panahon.

Matatandaang, nagkasundo sina Xi at Trump na pansamantalang ihinto ang pagpataw ng taripa sa kani-kanilang produkto nang 90 araw mula noong Disyembre 1.