Orient, compliment, keep your promises etc...IBA’T IBANG PARAAN PARA DEHINS MAHIRAPANG IWAN SA ISKUL

MALAPIT ng ma­ta­pos ang Holiday Season, kaya for sure, pahirapan na namang papasukin si bagets sa eskuwelahan. Ito ay dahil sa problemang kinahaharap ng mga bata na kung tawagin ay “se­paration anxiety” o “se­panx”. Kaya narito ang ilang tips para kahit paano ay mabawasan ang tan­trums ng inyong mga tsi­kiting tuwing papasok sa school:

1. KAUSAPIN ANG BATA BAGO PUMA­SOK. Yes, mga momshie! Dapat bago ulit nag-umpisa ang klase ay na-orient na ninyo si baby kung sino ang mag­hahatid at magsusundo sa kanya, ano ang babaunin niya at kung anu-ano pa. Sadyang nakatutulong ang magandang komunikasyon sa pagitan ng mga bata at magulang para hindi ma-shock ang bata sa pagpasok niya sa eskuwelahan.

2. SIGURADUHING KAAKIT-AKIT ANG ENVIRONMENT. Mai­nam kung kahit papaano ay may mga dekorasyon pa ring pampasko nang sa gayun ay matuwa pa rin ang mga bata na pumasok at hindi umiyak sa tuwing iiwa­nan n’yo na sila.

3. KAILANGANG TUPARIN NG MGA MA­GULANG ANG SI­NASABI SA ANAK. Ito ang pinakamahalaga. Usung-uso ang mga eksenang: “dito lang si mama sa wai­ting shed,” pero ‘pag pinun­tahan ng bata, wala na si mommy. Dahil dito, nawa­walan na ng tiwala ang mga bata at nag-iiwan ito sa kanila ng pakiramdam na takot na maaaring human­tong sa kawalan ng ganang pumasok.

4. IPARAMDAM ANG EXCITEMENT SA BATA. Kung excited ang bata, dapat mas excited ang mga magulang para ma­ramd­a­man nilang may na­kasuporta sa kanila habang sila ay nag-aaral.

5. MAGBIGAY NG COMPLIMENT SA BATA. Purihin ang anak para mas ma-encouraged silang mag-aral. Lalo na ang mga bata, palagi si­lang ta­nungin kung may nakuha silang “star”, pero kung wala ay sabihan pa rin sila ng ma­gagandang salita na ma­kapagmo-motivate sa kanila para sa susunod ay mataas na ang makuha ni­lang marka.

Oh, ‘di ba, bongga? Kaya make sure na susundin ninyo ang tips na ito lalo na nga­yong malapit na ulit silang magbalik-eskuwela. He-he-he!

Gets mo?