Kahulugan na hinahabol ng nakaraan kung saan hindi ito dapat takasan

Socrates Magnus

Salaminin natin ang panaginip ni Regeie ng Regeie_Balera@face-book.com

Dear Professor,

Nanaginip ako na may humahabol sa akin, tapos pagdating ko sa ita­as ay binigyan ako ng kumpare ko ng itak, pero kawayan.

Ano ang ibig sabihin nito?

Naghihintay,

Regeie

Sa iyo Regeie,

Oo, may humahabol sa iyo sa tunay na buhay, kumbaga, ang iyong pana­ginip ay nagpapahayag ng katotohanang sa iyo ay may humahabol.

Pero, sino o ano ang humahabol sa iyo? Ang sagot ay hinahabol ka ng iyong nakaraan kung saan ka nagkamali, pero hindi mo naituwid o nagawan ng paraan ang nasabing prob­lema.

Nagsasabi ang pana­ginip mo na muling baba­lik sa iyo ang gayunding pang­yayari, kaya ang payo sa iyo ay huwag mo itong ta­takasan.

Kaya kawayan ang itak na ibinigay sa iyo da­hil ang muling magbaba­lik na pangyayari sa buhay mo ay hindi talaga naka­ta­takot, kumbaga, kawayan lang ang kanyang katapat.

Kaya muli, huwag kang tumakas at harapin mo ito!

Sa panaginip, ang hu­mahabol ay ang nagawang pagkakamali ng nanaginip na kapag napanaginipan niya, ibig sabihin, binibig­yan siya ng pagkakataon na maitama ito.

Ang isa pang mahala­gang malaman mo ay noon sa iyong nakaraan nang ikaw ay bata pa, may nagkagusto sa iyo na matanda na malaki ang agwat ng edad sa iyo. Nang matitigan ka niya, ang pumasok sa isip mo ay may pagnanasa siya sa iyo kung saan natakot ka at umiwas.

Sa ngayon, mayroon muling matanda na may pagnanasa sa iyo, pero huwag kang matakot at huwag mo siyang iiwasan. Gamitin mo ang ibig sa­bihin ng itak na kawayan na nagsasabing, ang ma­tanda ay para sa ma­tanda, ito ang kailangan niyang nalaman at ito rin ang payo ng panaginip mo.

Muli, harapin mo ito at huwag mong tatakasan. Ngayon na ang pagkaka­taong maisaayos mo ang iyong nakaraan na nai­wanan sa iyong pinaka­malalim na kamalayan.

Hanggang sa muli,

Professor Seigusmundo del Mundo