‘Pag hindi inaprubahan ang budget sa pader U.S. ISARA —TRUMP

BINANTAAN ni U.S. President Do­nald Trump na tuluyan niyang isasara ang U.S-Mexico border kung hindi pa rin aaprubahan ng Kongreso ang pondo sa pagpapatayo ng border.

Ikapitong araw ng partial govern­ment shutdown nang magbitiw ng banta si Trump.

Ayon sa tweets ni Trump, ang pag­bukod sa Mexico ang tanging alter­natibo sa pagpopondo sa kanyang wall project.

Maliban pa rito, ipu-pull out din aniya ang mga pabrikang pag-aari ng American car companies na nakabase sa kabilang panig.

Matatandaang, nagsimula ang par­tial shutdown ng bansa nang hindi mag­kasundo sa hinihinging budget ni Trump na $5 billion na gagamitin sa pagpapatayo ng border wall sa pagitan ng U.S. at Mexico.