Sakuna, damit at tinapay

Socrates Magnus

Salaminin natin ang panaginip ni Raquel ng Raquel_Mariel@facebook. com

Dear Professor,

Nanaginip ako na na­karanas daw ako ng sakuna, pero agad na­mang may nagpadala ng tulong mula sa itaas, una, may mga nakasupot na damit at tinapay, ang da­mi, may malaki, maliit, pahaba at pabilog. Ang dami ko nga raw nakuha at inilagay ko pa ito sa box.

Ano ang ibig sabihin nito?

Salamat!

Naghihin­tay,

Raquel

Sa iyo Raquel,

Wow! Ang masu­wer­teng balita mula sa iyong panaginip ay nagsasa­bing bubuwenasin ka.

Dahil dito, magan­dang malaman mo na dapat kang mabuhay nang may positibong pananaw, kumbaga, harapin mo ang mga araw na darating na malinis, wagas at da­lisay ang iyong kalooban.

Ang mga negatibong pananaw ay dumi, sa­gabal at nakasisira ng per­sonalidad.

Ipinapayo sa iyo na umiwas ka sa mga taong problemado, nabubuhay sa maling panuntunan at sa mga taong paladaing, palaangal, iyakin at mga ma­lulungkutin. Iwasan mo rin ang mga taong alam mong sobrang pa­ngit ng kapalaran.

Alam mo, ang mga ta­ong hindi magaganda ang kilos at ugali ay naka­ha­hawa na parang ka­ram­da­man. Ang mga taong nali­ligaw sa landas ng bu­hay ay dapat mo ring iwasan.

Kaya nga, madalas mong makita sa social media ang mga katagang “surround yourself with positive people and po­sitive things will happen to you!”

Kung saan ang kaba­ligtaran nito ay kapag napagalitan ang taong nega­tibo, sure na magka­karoon ka rin ng nega­tibong kapalaran, kaya saan ka pa? Saan pa nga ba? Eh, sa positibo ka na!

Gayundin, huwag mong kalilimutan na kapag pi­nasaya mo ang kapwa mo, sobrang ma­tutuwa ang langit sa iyo kung saan mas lalo ka Niyang pagpapalain.

Hanggang sa muli,

Professor Seigusmundo del Mundo