Lalo na kung mabilis masira ‘yung nabili n‘yo, besh! STICKER NA KERING LABANAN ANG PAGKABULOK NG MGA

Jersey Sanchez / Gulat ka 'noh?!

PAGKABULOK ng mga prutas ang ka­dalasang problema ng mga magsa­saka at negosyante dahil malapit nang ma­bulok ang mga ito bago pa mai-deli­ver sa supplier at tuluyang maibenta sa merkado. Ayon sa mga eksperto, 52 por­siyento ng mga prutas na bagong ani ang na­bubulok bago ito maibenta. Pero, knows ba ninyo na mayroon nang stic­ker na ka­yang makasalba sa pagkabu­lok ng mga prutas bago i-distribute ang mga ito sa supplier? Weh, ‘di nga?

Ang sticker ay tinawag na Stixfresh kung saan ito ay mukhang normal na sticker na nakikita sa mga prutas na nabibili sa grocery.

Pero, ito ay may kakaibang kayang gawin dahil mayroon itong natural formula na nakapagpa­pabagal sa pagkahinog ng prutas kaya nana­natiling sariwa ang mga ito sa loob ng 14 na araw.

Sakto rin dahil kailangan natin ng 12 prutas sa ating lamesa para buwenasin tayo sa pagsalubong sa Bagong Taon.

Gayunman, ang mga materyal na ginamit sa pag­gawa ng Stixfresh ay 100 porsiyentong organic ka­bilang na rito ang sodium chloride at beeswax kung saan ang nasabing mga materyal ay nakapagpapa­bagal sa pagkalat ng bacterial activity sa mga prutas, kaya bumabagal din ang paghinog ng mga ito.

Sigurado ang nakadiskubre ng Stixfresh na safe ito dahil organic ang mga ginamit sa paggawa nito.

Maliban pa rito, puwede rin itong kainin. Wow! Kaya dehins na kayo magwo-worry na baka mala­son kayo sa pagkain nito, mga beshy!

Samantala, ayon sa nakadiskubre ng Stixfresh, ang produktong ito ay para sa mga negosyanteng ma­dalas na nalulugi dahil wala silang choice kundi itapon ang mga panindang mabilis na nabubulok kaya hindi na napakikinabangan.

Dagdag pa rito, naisip niya ang solusyon na ito nang sa gayun ay maiwasan ang mabilis na pag­kabulok ng mga itinitindang prutas lalo na ngayong malapit nang mag-Bagong Taon.

Kaya para sa mga supplier at vendor diyan, sigu­radong puwede na kayong mag-stock ng maraming prutas dahil hindi na ito madaling masisira kapag ginamit n’yo ang sticker na ito.

Oh, ‘di ba, bongga?

Gets mo?