HOROSCOPE | DISYEMBRE 26, 2018 (Miyerkules)

Maestro Honorio Ong

SA MAY KAARAWAN NGAYONG DISYEMBRE 26, 2018 (Miyerkules): Itu­loy mo lang ang iyong pagsisikap at matutupad mo ang iyong mga panga­rap. Huwag kang mag-alala dahil hindi ka ma­pa­­bibilang sa sikap nang sikap, pero hindi uma­asenso ang buhay.

ARIES (Mar. 21-Apr. 19) - Hindi uma­atras ang mga suwerte mo, nagsisikuha lang ito ng malakas na buwelo nang sa gayun ay lubos na lumi­gaya ang iyong puso. Ito ang mensahe ng iyong ka­palaran. Masuwerteng kulay-red. Tips sa lotto-17-20-24-30-33-41.

TAURUS (Apr. 20-May 20) - Ingatan mong mahawa sa hin­di mabu­bu­ting gawi at ugali. Ina­asahan ng langit na ma­bu­buhay ka sa magan­dang asal na magdadala ng katuparan sa iyong mga ambisyon sa buhay. Masuwerteng kulay-brown. Tips sa lotto-4-11-16-22-27-34.

GEMINI (May 21- June 20) - Magtatangka ang lungkot na talunin ka, pero ang mga ito ay ma­bi­bigo. Ikaw ay likas na masayahin at nabubuhay sa positibong pananaw. Ito ang mensahe para sa iyo. Masuwerteng kulay-white. Tips sa lotto-19-26-28-30-31-35.

CANCER (June 21- July 22) - Nagpapa­litan ang gabi at araw, gayun­din ang mundo ay buhay na buhay. Huwag kang mabahala sa pagpapalitan ng lungkot at saya dahil ito mismo ang magpapa­ganda sa buhay mo. Masu­werteng kulay-green. Tips sa lotto-7-19-21-23-39-40.

LEO (July 23-Aug. 22) - Hin­di nakapagta­taka kung pa­tuloy kang nag­bibigay ng regalo dahil ang totoo, ikaw ay isini­lang na may diwa ng Pas­ko kaya responsibilidad mong pasayahin ang ma­ra­ming tao. Masuwerteng kulay-yellow. Tips sa lotto-6-11-18-21-24-32.

VIRGO (Aug. 23-Sept. 22) - Kumilos ka nang kumi­los. Ang kilos nang kilos kahit kailan ay hin­di mabibihag ng kabiguan kung saan darami ang na­iipon mong kabuhayan. Ito ang mensahe para sa iyo. Masuwerteng kulay-purple. Tips sa lotto-9-13-25-31-36-42.

LIBRA (Sept. 23-Oct. 22) - Ganito ang sabi sa isang sikat na awit, “huwag mong ipangako ang bukas”! Para sa iyo, huwag mong ubusin ang nasa iyo. Hin­di mo alam kung ano ang mangyayari sa hinaharap. Masuwerteng kulay-pink. Tips sa lotto-8-13-21-28-30-38.

SCORPIO (Oct. 23-Nov. 21) - Magsaya ka kahit tapos na ang Pasko dahil ang totoo, nakapapagod nang harapin ang mga na­mamasko. Ngayon ka lang may pagkakataong sumaya. Masuwerteng kulay-beige. Tips sa lotto-19-21-29-36-41-44.

SAGITTARIUS (Nov. 22-Dec. 21) - Pahinga! Kailangan mo ang ilang araw na pamamahinga dahil ikaw ay makikitang sob­rang abala pagdating ng Bagong Taon. Ito ang men­sahe para sa iyo. Masu­werteng kulay-blue. Tips sa lotto-18-25-26-34-39-43.

CAPRICORN (Dec. 22-Jan. 19) - Ibibi­lang kaagad sa mga bigo ang na­du­wag sa laban ng buhay. Bakit ka maduduwag? Ba­likan mo ang iyong naka­raan kung saan nanalo ka sa hamon ng iyong kapa­la­ran. Masuwerteng kulay-black. Tips sa lotto-1-12-17-20-24-27.

AQUARIUS (Jan. 20-Feb. 18) - Harapin mo ang mga darating na araw na punumpuno ng positibong pananaw. Ito ang sikreto ng iyong kapa­laran na nagsasabing, ma­pasasakamay mo ang ma­raming biyaya. Masuwer­teng kulay-violet. Tips sa lotto-18-20-26-27-35-41.

PISCES (Feb. 19-Mar. 20) - Nasasagap mo ang nagdara­ti­ngang masu­suwerteng araw para sa iyo. Ito ang magpapalakas ng loob mo, kaya mapa­bibilis ang iyong pag-asenso. Ito ang mensahe para sa iyo. Masuwerteng kulay-peach. Tips sa lotto-8-15-16-21-27-30.