BRONER, MAHINA RAW SI PACMAN; CRAWFORD, UMIIWAS SA PINOY

NASILIP na raw ng kampo ni Adrien Broner ang kahinaan ni Manny Pacquiao. Ayon sa trainer ni Broner na si Kevin Cunningham, maraming nagdaang laban ni Pacman ang kanilang napag-aralan sa Youtube. Lalo na raw iyong hindi nagbabagong mga estilo ng kilos at galaw ni Pacquiao. Kaya naman pinaghandaan nilang mabuti ang laban sa Enero 19, 2019 sa Las Vegas, Nevada.

Samantala, sumagot naman si dating pound-for-pound star at boxing champion Terence Crawford sa umano’y naging pahayag ni Pacquiao na umiiwas siya sa Pinoy na lumaban. Ipinahayag ni Crawford na noon pang 2015 pa dapat sila maglalaban ni Pacman at inaayos na rin daw sana noon ni Top Rank CEO Bob Arum ang laban. Samantala, inaayos pa ni Crawford ang susunod niyang laban. (VA)