Para kahit bigla pa kayong atakihin sa daan... GADGET NA EPEKTIB NA PANLABAN SA EPILEPSY, PATOK!
PATAAS nang pataas ang bilang ng mga namamatay dahil sa biglaang pag-atake ng sakit na epilepsy. Bagama’t, mayroong mga treatment para maiwasan ito, hindi pa rin naaagapan ang biglaang pagtaas ng heart rate na nagiging sanhi ng pag-atake nito. Pero, alam ba ninyo na mayroon nang gadget na maaaring makapigil sa biglaang pag-atake ng epilepsy? Wow!
Ayon sa mga eksperto, 600 katao kada taon sa U.S ang namamatay dahil sa hindi naaagapang pag-atake ng epilepsy. Kapag hindi naagapan ang seizure, ang mga pasyente ay naso-suffocate sa kanilang kama habang nakahiga at kung minsan ay sumusuka habang inaatake at nagtso-choke.
Ang gadget ay tinawag na NightWatch kung saan kaya nitong pigilan ang Sudden Unexpected Death in Epilepsy (SUDEP) na kadalasang nangyayari sa gabi. Ang nasabing gadget ay may kakayahang maka-detect ng biglaang pagtaas ng heart rate kung saan tutunog ang alarm para magising ang pasyente bago tuluyang mangyari ang seizure.
Kaya rin nitong mag-send ng mensahe sa smartphone ng pamilya o sa sinumang nag-aalaga sa pasyente sa oras na ma-detect nito ang parating na pag-atake ng epilepsy. Sa ganitong paraan, maaalarma ang mga taong nasa paligid ng pasyente at maaagapan ito.
Para gamitin ang NightWatch, kailangan lamang itong isuot sa itaas na bahagi ng ating braso bago matulog. Kapag naisuot na ang gadget, magsisimula na itong mag-monitor ng heart rate hanggang sa pagtulog.
Upang malaman kung epektibo ang nasabing gadget, ipinasubok ito sa 29 na pasyente sa loob ng 65 gabi. Napag-alaman ng mga eksperto na na-detect ng NightWatch ang 85 porsiyento ng nakamamatay na pag-atake ng epilepsy. Ayon sa mga developer, nakatakdang ibenta sa merkado ang NightWatch anumang buwan sa susunod na taon.
Kaya ang payo ng mga ito, hindi porke may naimbento nang gadget na nakade-detect ng biglaang pag-atake ng epilepsy ay hindi na tayo mag-iingat. Kaya ang paalala namin sa inyo, inumin nang tama ang iniresetang gamot ng mga doktor at sundin ang tamang diet.
Oh, ayan, mga lodi, bukod sa rekomendasyon ng inyong doktor, kapag mayroon na kayong NightWatch, tiyak na maagapan na ninyo ang nakamamatay na biglaang pag-atake ng nasabing sakit. Stay healthy!
Gets mo?
Comments