Umaakyat sa mataas na bulding, nahulugan ng pera at nakahuli ng isda
Salaminin natin ang panaginip ni Nhoverjhayson ng Nhoverjhayson _ Aying@facebook.com
Dear Professor,
Nanaginip ako na umaakyat daw ako sa pinakamataas na building at nahulog ‘yung pera ko, ngunit, nang bumaba ako para kunin ito ay wala na dahil may nakapulot na pala.
Hinahanap ko ‘yung babaeng nakapulot ng pera ko hanggang sa nakarating ako sa dagat at doon ko nakita ang mga kaibigan ko na nanghuhuli ng isda, pero laking-gulat ko dahil ako ‘yung nakahuli ng isda.
Ibang klase ‘yung isda, kulay blue siya at walang buto, sa tanang buhay ko hindi pa ako nakakikita ng ganu’n. Ano kaya ang ibig sabihin nito? Salamat!
Naghihintay,
Nhoverjhayson
Sa iyo Nhoverjhayson,
Kung ikaw ay binata pa, ang panaginip mo ay nagbabalitang ikaw ay mag-aasawa na.
Dahil dito, dapat mong paghandaan ang darating na bagong buhay sa iyo.
Kumilos ka na ngayon dahil magkakaroon ka na ng mga bagong reponsibilidad at hindi magtatagal ay magkakaroon ka na ng pamilya.
Pero, alam mo, higit sa lahat kapag nag-asawa ka na, dapat ka nang mag-ipon, kumbaga, may savings ka dahil ang pag-aasawa ay hindi biro.
Dati, ang pera ng asawa o kinikita ng mister ay ibinibigay lahat kay misis. Pero ngayong nagbago na ang takbo ng mundo, nagbago na rin ang patakaran kung saan ang mag-asawa ay may kani-kanya ng kinikita, kumbaga, ang pera ni mister ay hawak niya at ang kita ni misis ay para lang sa kanya.
Ang ganitong kalakaran ay nangyayari, pero hindi naman nangangahulugang walang pagmamahal sa pagitan ng mag-asawa.
Paano naman kung nagkataong may asawa ka na?
Ang panaginip mo ay nagsasabing mag-abroad ka dahil dito, maraming suwerte ang mapasasaiyo.
Kaya mangibang-bansa ka at huwag kang masyadong mag-alala.
Kapag may dumating na oportunidad sa iyong harapan na isa sa mga mensahe ng iyong mga panaginip, sunggaban mo ito kaagad.
Hanggang sa muli,
Professor Seigusmundo del Mundo
Comments