Kaya sila raw ang dapat mong mahalin, lodi! MGA TAONG CLOSE SA PARENTS, LOYAL AT STICK TO ONE!

Jersey Sanchez / Gulat ka 'noh?!

IBA’T IBA ang basehan ng bawat isa pagdating sa chea­ting o panlolo­ko. Ngunit, ayon sa mga eksperto, ang pakikitungo ng iyong partner sa in­yong mga magulang ay maaari ring maging basehan upang ma­laman mo kung ang partner mo ay nan­loloko.

Weh, ‘di nga?

Ayon sa pag-aaral sa 1,400 katao, lumabas na 15% ang hindi gaanong close ang kanilang in-laws habang 85% naman ang nagsabi na wala si­lang pakialam sa kung ano ang iniisip ng kanilang in-laws tungkol sa kanila.

Ang pagiging malayo ng loob ng iyong partner sa iyong pamilya ay ma­aaring magdulot ng hindi magandang pagsasama na maaaring mauwi sa panloloko nito.

Puwede rin itong ma­ging sign na hindi sila marunong makisama at hindi nila priority ang pa­giging malapit sa pamilya mo.

Ayon kay Tammy Nel­son, sex and relationship therapist, ang pagkawala ng interes sa iyong pa­milya ng partner mo ang mas nagpapadali sa ka­nila upang lokohin nila kayo.

Ito ay dahil hindi sila malapit sa isa’t isa, hindi nila masyadong iniisip na masasaktan at madi-dis­appoint nila ang iyong pamilya.

Ayon kay Claire Scott, relationship psychologist at data analyst, kung na-meet ninyo ang mga ka­ibigan at kamag-anak ng bawat isa, mas magiging malapit kayo sa isa’t isa.

Bukod pa rito, magka­karoon kayo ng mas ma­lalim na koneksiyon at tiwala kapag nakilala n’yo ang pamilya at kaibigan ng bawat isa.

Maaari itong maging dahilan para isipin ng in­yong partner na mapapa­hiya sila kung sakali mang lolokohin nila kayo.

Kaya ang payo ng mga eksperto, kung nais n’yo na magkaroon ng magandang pagsasama, maging totoo sa bawat isa at kapag may problema, agad itong pag-usapan upang masolusyunan.

Kaya mga bro at sis, siguraduhing malapit kina mama at papa ang inyong partner nang sa gayun ay maiwasan ninyo ang hindi magandang pagsasama.

Have a happy and healthy relationship!

Okie?