Aprub sa pamilya… JANINE AT RAYVER, MAGSASAMA SA TATE

PAGKATAPOS ng kasal nina Lotlot de Leon at Fadi El Soury ngayong Lunes, bukas (December 18), lilipad si Janine Gutierrez at mga kapatid kasama ang amang si Ramon Christopher para sa Christmas vacation sa Los Angeles.

Kung kasama ni Lotlot ang mga anak sa kanyang kasal, sa Pasko, ang kanilang ama naman ang kasama ng magka­kapatid. One week sila sa LA at babalik ng bansa bago mag-New Year.

Hindi malungkot ang Pasko ni Janine dahil ang balita, sasama sa kanila papun­tang L.A. si Rayver Cruz. Nagpaalam muna si Ray­ver sa taping ng Asawa Ko, Karibal Ko para makapagbakasyon kasama si Janine.