Malinaw ayon sa birthday... BEBOT NA NAKATAKDANG LUMIGAYA KUNG MAGIGING LOYAL SA RELASYON
Dear Maestro,
Hindi ako kagandahan, pero masasabi kong may dating ako, kaya hindi nakapagtatakang marami akong manliligaw. Sa ngayon ay may dalawa akong boyfriend, isang isinilang noong October 7, 1993 at ‘yung isa naman ay noong November 28, 1992 habang February 2, 1994 naman ang birthday ko.
Naisipan kong sumangguni sa inyo upang itanong kung sino sa dalawa kong boyfriend ang mas ka-compatible ko at kung sakaling magiging stick to one ako, sino ang dapat kong piliin sa kanila? Kapag nag-asawa na ako, kanino kaya sa dalawang ito ako higit na liligaya?
Umaasa,
Charit ng Longos, Calayaan, Laguna
Dear Charit,
Ayon sa zodiac sign mong Aquarius, higit mong ka-compatible ang boyfriend mong Libra kung ikukumpara sa isang Sagittarius.
Sapagkat ang zodiac sign na Libra ng unang boyfriend mo na isinilang noong October 7, 1993 at Aquarius naman ang zodiac sign mo ay may iisang elementong tinataglay — ang elementong air o hangin.
Ibig sabihin, sa Western Astrology, tunay ngang “same feather flocks together” kayo o ang inyong relasyon, kaya sa piling niya ay mas masisigurado mo ang isang maligaya at panghabambuhay na pagsasama.
Sa aspetong pang-Numerology naman, bagama’t, kailangan ng weak number mong 2 ang strong number na 1 tulad ng birth date na 28 (2+8=10/ 1+0=1) ng ikalawang boyfriend mo, subalit, katugma rin ng weak number mong 2 ang isa pang weak number na 7 ng boyfriend mong Libra kung saan sa pang-statistical na basehan, ang mas madalas na nakatutuluyan ng mga taong may mga numerong 2, 11, 20 at 29 ay silang may mga birth date na 7, 16 at 25.
Ibig sabihin, mas lamang si Mr. Libra kung ikukumpara kay Mr. Sagittarius lalo na kung compatibility ang pag-uusapan dahil si Mr. Libra ay ka-compatible mo sa Numero-Astrology na pag-aanalisa.
Kaya kung nais mo nang mamili sa dalawang boyfriend mo at nais mo nang maging stick to one, maging loyal ka at piliin mo si Mr. Libra lalo na kung mahal mo naman talaga siya at mahal ka rin naman niya, sa ganu’ng paraan, makatitiyak ka ng matibay na relasyon na hahantong sa isang maligaya at panghabambuhay ng pag-aasawa.
Comments