Mas kinakagat ang love team kay Angelica… ZANJOE, SAPAW KAY CARLO SA SARILING SERYE
“SA simula pa lang naman, ‘di pa man kami nagte-taping, alam na naming lahat kung ano ang mangyayari.
“Masaya, lalong sumaya, nadagdagan pa kami ng artista. Kaibigan pa namin si Carlo. Ang lakas pa ng team-up nila ni Angelica (Panganiban). Lalong gumanda ‘yung show, lalong naging challenging siya sa akin, kay Carlo, kay Angelica na rin, at si Isabelle Daza, pumasok na rin sa istorya.
“Nakakatuwa, wala pa akong naririnig na inayawan o galit sa isang character sa Playhouse,” ang naging pahayag ni Zanjoe Marudo nang hingan namin ng reaksiyon sa puna ng mga tagasubaybay ng Playhouse na mukhang sa tambalang Patty at Dr. Harold (mga karakter na ginagampanan nina Angelica at Carlo) na raw nakapokus ang istorya ng morning series at ‘di na sa kanila ng aktres.
Ini-enjoy nang husto ni Zanjoe ang Playhouse lalo’t gustung-gusto niya na nakakaantig ito sa puso ng mga Pinoy viewers.
Napalapit na rin sa aktor ang mga kasama rito kung saan ayon kay Zanjoe ay para na silang pamilya rito.
Wala mang love life sa ngayon ay maligaya naman si Zanjoe sa itinatakbo ng kanyang career dahil sa sunud-sunod na proyekto.
Nauwi man sa paghihiwalay ay napanatili naman nila ni Bea Alonzo ang pagiging magkaibigan.
Nang tanungin nga namin kung bukas ba siyang makasama sa isang proyekto ang ex-girlfriend, agad kaming sinagot ni Zanjoe na gustung-gusto niyang makatrabaho uli si Bea at sana ay isa na itong pelikula.
Comments