NORTH COTABATO—Isang 23-anyos na estudyante ang namatay nang barilin ng riding-in-tandem, kamakalawa sa Bgy. Poblacion, Pikit sa lalawigang ito.
Ang biktima ay nakilalang si Bardodin Baset, residente ng nasabing bayan.
Ayon sa ulat, nakasakay sa motorsiklo si Baset nang dikitan ng dalawang hindi kilalang lalaki na nakasakay din sa motorsiklo at agad pinagbabaril hanggang sa mapatay ang biktima.
Iniimbestigahan na ng pulisya ang motibo ng mga suspek sa pamamaslang sa biktima.