Kaya simulan n‘yo na raw mag-practice ng kakantahin, mga besh! HEALTH BENEFITS NG PANGANGAROLING, AL

TALAGANG naka­tutuwang makita ang mga bata na nanganga­ro­ling tuwing malapit nang sumapit ang Pasko. Pero, knows ba ninyo na bu­kod sa mga aginaldong naiipon nila mula rito, maaari ring ma-develop ang ilan nilang katangian na sa huli ay kanilang ma­pakiki­nabangan? Heto ang ma­gagandang be­nepisyong makukuha sa panganga­roling, alamin:

1. ENHANCES CREA­­TIVITY. Nagiging mas malikhain ang mga bata tuwing nanganga­roling dahil sa iba’t ibang twist na kanilang naiisipang gawin upang mas mahika­yat ang mga tao na makinig at magbigay sa kanila ng aginaldo. Kung minsan ay mayroon pang choreo­graphy at freestyle sa ka­nilang piyesa.

2. MOTIVATES RE­SOURCEFULNESS. Da­hil kakailanganin nila ng instrumento upang ma­kagawa ng tunog at hindi naman lahat ay kayang bumili ng bagong instru­mento, lumalabas ang pa­giging resour­ce­ful ng mga bata kung saan ang sim­pleng kutsa­ra’t tinidor, tan­san at lumang lata ay kaya ni­lang gawan ng paraan upang ma­ging instru­mento na puwe­de nilang gami­tin habang nangangaro­ling.

3. BOOSTS CON­FIDENCE. Ang batang mahiyain ay walang lakas ng loob na gawin ang mga bagay tulad ng pagkanta sa mga bahay-bahay. Ngu­nit, nagkakaroon sila ng kum­piyansa sa sarili ka­­pag ka­sama nila ang ka­nilang mga kaibigan sa paggawa ng mga bagay na ki­natatakutan nilang gawin.

4. POSITIVE VIBES ON. Kakaibang ligaya ang naibibigay nito sa mga ba­gets dahil bukod sa na­kasama nila ang kanilang mga kaibigan, nakatatang­gap din sila ng aginaldo at kung minsan ay kendi mula sa pagbibigay-aliw nila sa mga nakatatandang kani­lang kinantahan. Gayun­din, ang mga taong nakiki­nig at nanonood sa kanila ay nagkakaroon ng magan­dang mood.

5. IMPROVES SO­CIAL LIFE. May mga bagets na nahihirapan ma­ki­salamuha sa mga hindi nila kakilala, pero dahil mas masaya ka­pag marami silang nanga­nga­roling, na­tututo silang makipagka­ibigan.

6. TEACHES AP­PRE­CIATION. ‘Thank you, thank you, ang babait ninyo, thank you!’, ‘yan ang huling binabanggit ng mga nangangaroling pag­katapos nilang umawit. Sa ganitong paraan, natutu­tong tumanggap ng kahit na ano ang mga bata, maliit o malaki man ang halaga na maibibigay sa kanila.

Kaya mga mamshie, dahil sa benefits na ito, payagan n’yo na si bagets na mangaroling ka­sama ang mga kaibigan nila.

Pero, siguraduhing nasa loob lang sila ng sub­division o sa mga lugar na malapit lang sa inyo para sure na safe sila. Mas okay din kung sasa­mahan n’yo sila. He-he-he! Okie?