Healthy skin nga, dead ka naman... PAGLALAGAY NG LOTION, PRONE SA OVARIAN CANCER

MAHILIG ka bang magpa­bango, mag­lotion o maglagay ng nail polish, lodi? Knows mo ba na nagkokonta­mina ito ng mga kemikal na maaaring maka­apekto sa pu­berty ng mga da­lagita? Hala!

Sinubaybayan ng mga researcher mula sa University of California ang 200 kabataang babae mula pagsilang hanggang sa kanilang pagtun­tong sa edad na 9 at 13.

Unang nagsagawa ng urine tests ang mga eksperto sa ina ng mga kalahok noong nasa ika-14 at 27 linggo na ipinagbubuntis nila ang kanilang mga anak, isi­nagawa ito nang sa gayun ay ma­sigurado ng mga researcher na may exposure sa nasabing mga kemikal ang mga kalahok.

Ayon sa mga eksperto, ang mga kemikal na mayroon ang pabango, lotion at nail polish ay naka­pagpapaaga ng puberty ng mga batang babae.

Bukod pa rito, ang exposure ng mga bata sa mga kemikal na ito kahit sa si­na­pupunan pa lamang ay may epekto rin sa kanila.

Samantala, napag-alaman ng mga researcher na ang mga kalahok na mataas ang exposure sa diethyl phtha­lates ay mas maagang nagkaroon ng body hair kumpara sa mga mayroong mababang exposure.

Ang mga kemikal kung saan sila exposed ay si­nasabing nakaapekto sa female sex hormone na oes­trogen kaya nati-trigger ang maagang pagdadalaga ng mga ito.

Ang kemikal na diethyl phthalate ay matatagpuan sa mga pabango at cosmetic product habang ang methyl paraben naman ay uri ng kemikal na mayroon ang mga lotion at hand cream.

Ayon kay Dr. Kim Harley, lead author ng nasabing pag-aaral, ang mga kemikal na nabanggit ay naka­sasagabal sa natural na hormone ng katawan tulad ng oestrogen.

Dagdag pa rito, ang mga dalagita na maagang dumaan sa puberty ay may mataas na tsansa sa pagkakaroon ng breast at ovarian cancer.

Kaya ang paalala ng mga eksperto, hindi naman masamang gumamit ng mga produktong pampaganda, ngunit, kung buntis ka o may anak na nasa edad 10 pababa, iwasan mo ang mga produktong nagko­kontamina ng mga kemikal na nabanggit.

Kaya mga momshie at beshy, kaunting tiis muna nang sa gayun, eh, hindi mapaaga ang pagdadalaga ni bagets.

Tandaan, stay pretty and healthy! Copy?