Para makaiwas sa iba’t ibang klase ng aksidente, mga motorista bago makakuha ng lisensiya, dapat mun

RYAN B. SISON / BOSES

NAKABABAHALA ang kaliwa’t ka­nang aksidenteng nangyayari sa mga kalsada sa kagagawan ng ilang motoris­tang kulang sa kaalaman.

Kaya nais nating isulong ang panu­kalang obligahin ang mga motorista, partikular na ang mga gumagamit ng motorsiklo na sumailalim muna sa road safety training at seminar bago maka­kuha ng lisensiya.

Sa ngayon kasi madali lang ma­ka­kuha nito, lalo at naglipana na ang mga fixer.

Sa naitalang bilang ng Metropolitan Manila Development Authority (MMDA) mula noong 2010 ang karamihang naa­aksidente sa kalsada ay mga taong nag­momotorsiklo.

At hindi biro ang mga aksidenteng nangyayari dahil buhay ang nakataya rito.

Bilang mamamayang Pilipino, ka­kailanganin din nating makipagtulu­ngan sa gobyerno nang sa gayun ay ma­siguro natin ang ating seguridad.

Gayunman, nasa 5,700,000 ang bi­lang ng mga motorista sa bansa at ayon kay Admin Director, Motorcycle Philip­pines Federation Atoy Cruz, out of 9,000 riders na kumukuha ng lisensiya, 7 lang umano ang pumapasa at ‘yun ang naki­kita nilang problema.

Lalo na ngayong may ilan na porke natutong mag-drive, eh, akala karapat-dapat na silang magkaroon ng lisensiya, pero sa totoo lang ang mga patakaran bi­lang motorista ay hindi alam o sinu­sunod.

Kaya kung sakaling maaaprubahan ang road safety training at seminar na mag-oobligang dumaan sa training ang mga nagbabalak magkalisensiya tiyak na masosolusyunan natin ang problema sa kalsada.

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.