Lalo na raw kapag maraming toxic sa buhay mo, besh! PAGBA-VLOG, NAKABABAWAS NG STRESS AT ANXIETY!

HINDI na mabilang sa kamay ang mga ta­ong naisipan na gawing ha­napbuhay ang pag­ba-vlog o pagbi-video sa sarili tungkol sa buhay at iba pang mga bagay. Pero, bukod sa masaya itong gawin dahil nasa­sabi mo ang iyong mga gustong sabihin, mara­mi pa uma­no itong health benefits na maibibigay sa atin. Wow!

Ayon sa mga eksperto, ang vlogging ay isa sa mga instrumento upang ma-discuss kung paano mala­lag­pasan ang mental illness kung saan sa simpleng pa­nonood lang ng mga vlog ay malaki na ang nagiging epekto nito sa atin, lalo na sa mga kabataan na duma­ranas ng depresyon o iba pang sakit sa pag-iisip.

Gayunman, sa pagba-vlog, marami tayong dapat isaalang-alang tulad ng kung paano tayo makaiim­plu­wensiya at makatu­tu­long sa iba.

Hindi biro ang pag­ba-vlog dahil halos bu­ong bu­hay ay isina­sa­pub­liko rito, kumbaga, lu­me-level ka sa mga ar­tista lalo na kung ma­rami ang nagkainteres sa iyong mga content at nag-subs­cribe sa iyong channel.

Dagdag pa rito, ang vlog­ging ay nakabu-boost ng self-confidence, naka­pag­papasaya ng mga tao, nakababawas ng stress at anxiety.

Kaya kung may iniidolo kayong vlogger, bakit hindi n’yo subukang magsimula na ngayong gumawa ng sa­rili ninyong vlogs?

Samantala, sa ngayon ay marami nang nagba-vlog sa buong mundo, pero ang payo ng mga eksperto, mas mainam na panoorin ‘yung mga vlogger na may naitu­tulong at naibibigay na ma­gandang impormasyon sa atin.

May ilan kasi na kahit walang sense ay ipi­no-post pa rin at ang nagiging re­sulta nito, ginagaya sila ng mas nakaba­bata na hindi na ma­gandang ting­nan lalo na sa pana­hon nga­yon.

Gayundin, nag­re­resulta ito ng pam­ba-bash sa social media na nagiging dahilan kung bakit marami ang na­wawalan ng pag-asa sa buhay.

Kaya ang payo natin sa mga manonood o gagawa ng videos, maging handa sa anumang oras.

Ang pagba-vlog ay may magandang epekto sa ating buhay lalo na kung ang mga content nito ay makabulu­han at may moral lessons na iniiwan sa mga manonood.

Gets mo?