WORLD SPEEDCHESS SEMIS BAKBAKANG ESPORTS ONLINE

SUSULONG na ang semifinals ng 2018 World Speedchess Championship - isang “online” na bakbakan sa mabilisang ahedres na tinatawag na eSports bracket tournament at tatampukan nina Grandmasters Wesley So, Hikaru Nakamura, Jan Krzysztof Duda at Levon Aronian.

Sagupaang So - Duda ang masasaksihan sa Nobyem­bre 30 samantalang ang duwelo nina Nakamura at Aronian ay matutunghayan sa Dis. 01, 2018.

Nakarating sa final 4 ang 25-anyos na si So, tubong Cavite nang mangibabaw ito sa mga engkwentro laban sa Intsik na si Wei Yi (18.5 - 9.5) at sa Indianong Vidit Guja­­rathi (16.5 - 10.5).

Sa kabilang dako, nanorpresa ang pambato ng Poland na si Duda sa tulong ng mga tagumpay niya laban sa mga batikang Russian wood­pu­shers na sina Sergey Karjakin (13.0-11.0) at Alexander Grischuk (14.0-13.0).

Ang nagtatanggol na kampeon na si Nakamura, kumakatawan sa U.S. Chess Federation ay nakausad sa Final 4 nang talunin niya ang lady chesser ng China na si Hou Yifan (27.5 - 2.5) at si French ace Maxime Vachiere Lagrave (21.5 - 13.5) sa kom­­petisyong may kabu­uang papremyong salapi na nagka­kahalaga ng US$55,­000.

Winalis ng Armenian gem na si Aronian si Italian-American GM Fabiano Caruana (20.5 - 6.5) at si Dutch GM Anish Giri (18.0 - 11.0) papunta sa Final 4.