Malinaw ayon sa palad... BINATANG NAKATAKDANG MAGKA-GIRLFRIEND SA SUSUNOD NA TAONG 2019

Maestro Honorio Ong

KATANUNGAN

1. Wala akong girl­friend kaya naisipan kong kumonsulta sa inyo upang itanong kung kailan kaya ako magkaka-girlfriend?

2. May nililigawan ako ngayon, kaya lang parang wala siyang gusto sa akin kasi tuwing sinusundo ko siya sa office nila, hindi na­­man niya ako pinapansin o kinikibo ka­pag magka­sama kami sa sasakyan at naglalakad sa kal­sada.

3. Kaya madalas tuloy na nagmumukha akong tanga kapag kasabay ko siya.

4. Sa ganitong sitwas­yon, Maestro, dapat ko pa bang ipagpatuloy ang panliligaw ko sa kanya at may pag-asa kaya akong sagutin ng babaeng ito, balang-araw?

KASAGUTAN

1. Sa ganyang sitwasyon ng iyong buhay, Alvin, ka­pag sinusundo mo ang ba­baeng nililigawan mo, pero iniisnab ka naman niya at hindi kinikibo, kapag nag­tiyaga-tiyaga ka pa sa gan­yang karanasan, lalo ka lang magmumukhang tanga niyan!

2. Kaya ang pinakama­buti mong magagawa nga­yon ay itigil mo na ang pan­liligaw sa nasabing babae sapagkat kung magpapa­tu­loy ka sa pagsundo sa kanya sa kanilang opisina, pero hin­di ka naman pala kinaka­usap, para ka lang naghaha­nap ng sakit ng katawan, damdamin at bulsa dahil gumagastos ka lang at nag­sasayang ng oras sa babaeng walang interes sa iyo. Ito ang nais sabihin ng may bilog at magulong unang bahagi ng Heart Line (Drawing A. at B. h-h arrow a.) sa kaliwa at kanan mong palad. Ito ay tanda na sa malapit na hi­naharap, maba-busted at ma­bibigo ka lang ng babaeng sinusuyo mo na pinagsusu­ngi­tan ka naman tuwing kayo ay magkasama.

3. Subalit, kailangang mangyari ang unang kabi­guan sa pag-ibig upang sa susunod na panliligaw ay unti-unti ka nang matuto at kapag marunong ka nang manligaw, madali ka nang mag­kaka-girlfriend sa tak­dang panahong inilaan ng kapala­ran. At kapag maru­nong ka nang manligaw, ‘yung mga babaeng masu­sungit at hin­di palakibo ay kusa mo nang magiging ka­ibigan.

4. Ang pag-aanalisang pagkatapos mabigo sa unang pag-ibig at magtatagumpay ka na sa mga susunod ay ma­dali namang kinumpirma ng gumanda at naayos ng Heart Line (Drawing A. at B. h-h arrow b.) sa kaliwa at kanan mong palad. Tanda na sa su­sunod na taong 2019, sa edad mong 25 pataas, tiyak ang magaganap, magkaka-girlfriend ka na rin sa wa­kas upang min­san pa sa la­rangan ng pa­ki­ki­pagre­las­yon ay maka­sum­pong ka na ng wa­gas at pang­habam­buhay na pag-ibig.

MGA DAPAT GAWIN

1. Noong panahon na­min, hindi pa uso ang cell­phone at FB, kaya hindi ma­daling manligaw dahil para maligawan at maging kai­bigan mo ang babae, tatra­bahuhin mo talaga kung saan pupuntahan sa opisina nila, ililibre ng pamasahe o kaya ay pagmemeryenda­hin, da­dalawin sa bahay kahit wa­lang sakit at magdadala ka ng regalo dahil nga nanu­nuyo ka, hindi lamang sa ba­baeng nililigawan mo kundi pati na rin sa mga kapatid at ma­gu­lang niya.

2. Pero ngayon, moderno na ang panahon, may cell­phone at social media na kaya kahit 24 oras, puwede mong makausap at maka-text ang babaeng nililigawan mo, kahit na nasa bahay ka lang at gayundin siya.

3. Sa ganitong estilo ng panliligaw, pa-load-load lang, hindi na masyadong magas­tos at abala sa oras. Kaya ka­pag ikaw ay lalaking wa­lang girlfriend o babaeng wa­lang boyfriend sa panahon ngayon, masasabing napag­iiwanan ka na.

4. Habang, ayon sa iyong mga datos, Alvin, nakatakda na ang magaganap, kung patuloy kang manliligaw sa babaeng sinasabi mo, maba-busted ka lang upang pag­katapos mong mabigo sa unang pag-ibig, sa susunod na pan­liligaw sa taong 2019 sa bu­wan ng Abril o kaya ay Mayo, sa maliit, ma­puti at medyo tsinitang ba­bae ma­huhulog ang loob mo, kusa mo siyang kakaibiganin hang­gang sa makabuo na kayo ng kakaibang ugnayan sa isa’t isa.

Sa takdang pa­na­hon ay magiging girlfriend mo na siya at sa bandang huli ay ha­han­tong sa wagas at nakakikilig na relasyon ang inyong pag­mamahalan.