‘Juan’, ‘di raw mababaon sa utang

RELAX lang!” Ito ang gustong iparating ng gobyerno sa mamamayan kaugnay sa mga pautang na iginawad sa atin ng China.

Ayon sa Department of Finance, walang basehan ang mga alegasyon na baon na sa utang sa China ang bansa.

Kalkulado umano ang bawat utang na inihihirit ng ban­sa sa mga foreign debtor dahil batid nila na ang taumbayan na mga taxpayer din ang magbabayad nito.

Sabay hirit na magagamit sa tama ang mga inutang, parti­kular na sa mga infrastructure project ng gobyerno.

Sa ilalim ng Duterte administration, nakapagsara na uma­no ng dalawang debt deals ang pamahalaan sa China.

Kabilang dito ang $72.49 million na nakalaan para sa Chico River Irrigation Project at P18.724 bilyon para sa New Cen­tennial Water Source-Kaliwa Dam Project.

Simula pa lang, alam naman na ng administrasyong ito kung gaano kalala ang korupsiyon.

Hindi maubus-ubos ang mga kapalmuks!

Kaya dapat lang na bantayan ang pondo. Ilayo sa bulsa ng mga kawatan.

Sa huli, taumbayan din ang huhusga kung may pinatu­nguhan nga ba ang perang inutang.