Malinaw ayon sa palad...BABAENG NAKATAKDANG MAKAPAG-ABROAD KAHIT HINDI NAKATAPOS NG PAG-AARAL

Maestro Honorio Ong

KATANUNGAN

1. Gustung-gusto kong mag-abroad, Maes­tro, kaya lang hindi ako naka­tapos ng college.

2. At kahit may tutu­long sa akin, ‘yung pinsan kong nasa Dubai, hindi ko maintindihan kung bakit wala akong tiwala sa sa­rili ko.

3. Sabi ng mga magu­lang ko sayang daw ang pagkakataon dahil pada­dalhan sana ako ng pinsan ko ng pang-ayos ng mga papeles at siya na rin ang magpapasok sa akin sa Dubai bilang D.H.

4. Itatanong ko lang kung matutuloy ba ako at kung matutuloy ako, mag­kakaroon kaya ako ng mababait na mga amo sa Dubai?

KASAGUTAN

1. Ano ang nangyari sa lalaking natatakot manligaw at magtapat ng pag-ibig sa babaeng kanyang napupu­suan? Eh, ‘di tumandang bi­nata, habambuhay!

2. Samantala, ‘yung estudyante na paaaralin ng kanyang mga magulang upang makatapos sa kole­hiyo ay natakot pumasok sa eskuwelahan kaya hindi na­ka­tapos ng pag-aaral!

3. Ibig sabihin, kapag pinanatili natin ang takot sa ating buhay, malabo tayong lumigaya at magtagumpay.

4. Kaya ang pinaka­mabuti mong magagawa ngayon, Flor, kahit na nata­takot ka, mag-apply ka pa rin at sumunod sa pinaga­gawa sa iyo ng pinsan mo sa­pagkat ganyan talaga ang buhay, kailangang umalis ka sa comfort zone mo upang makaranas ka ng mas ma­unlad at maligayang ka­palaran.

5. ‘Ika nga, “ligtas ang bangka sa pampang, ngunit, ginawa ang bangka upang pumalaot sa dagat”. Ga­yundin ang iyong persona­lidad, ginawa ito upang ma­kipagsapalaran ka sa iba­yong-dagat dahil doon ka higit na magiging maligaya at uunlad.

6. Kahit hindi ka nakata­pos ng college, walang prob­lema dahil ang malawak at malinaw na Travel Line (Drawing A. at B. t-t arrow a.) sa kaliwa at kanan mong palad ay nagsasabing maka­pag-a-abroad ka. Ibig sabi­hin, kung mag-a-apply ka ngayon, walang duda, sa su­sunod na taong 2019, may isang mabunga at mabiya­yang pangingibang-bansang itatala sa iyong kapalaran.

7. Ang problema lang, nagsama nang mahigit isang pulgada ang Life Line at Head Line (Drawing A. at B. L-L at H-H arrow b.) sa kaliwa at kanan mong palad na nagsasabing likas na ma­hina ang iyong loob at kulang ka sa sigasig at tapang upang sumuong sa mga panganib ng buhay na madali namang kinumpirma at pinatunayan ng birth date mong 2.

8. Kaya para tumapang ka, palagi kang sumama sa mga taong nagtataglay ng mga birth date na 8, 17, 26, 1, 10, 19 at 28 — sila ang klase ng mga nilalang na tutulong sa iyo upang mas madali mong mapitas ang tagumpay at kaligayahan. Kaya palagi kang sumama sa kanila at sundin mo ang mga ipinagagawa nila. Sa ganyang paraan, mas madali kang mananaig, uunlad at magtatagumpay.

MGA DAPAT GAWIN

1. ‘Yung pag-aalinlangan sa puso, mahirap mawala ‘yan dahil ang totoo, nasa pag­katao mo na ‘yan, pero kung babaguhin mo ang iyong lagda, kusa nang mag­ba­bago ang kapalaran mo, lalakas ang iyong loob at magkakaroon ka ng tiwala sa iyong sarili.

2. Paano mo babaguhin ang iyong lagda? Huwag mong ibalikwas sa direksi­yong pakaliwa ang huling buntot ng letrang “g” sa iyong pirma na naging dahilan upang mababoy ang lagda mo na parang binu­rara.

3. Sa halip, pasibatin mo ito sa direksiyong pakanan at pataas ang huling stroke ng letrang “g”.

4. Sa ganyang pagbago ng lagda, makikita at mara­ramdaman mo na kahit na nanghihina ang iyong loob sa pag-a-apply sa abroad, kusa nang papabor sa iyo ang ka­palaran kung saan habang nag-a-apply ka, tuluy-tuloy ka ng susuwertehin at papa­larin sa lahat ng iyong nila­lakad at ginagawa hanggang sa sumapit ang taong 2019 sa edad mong 29 pataas, may isang mabunga at ma­biya­yang pangingibang-ban­sang itatala sa iyong kapa­laran.