Kaya ‘wag ka raw advance kung mag-isip, besh! MAAGANG PAGPAPATUGTOG NG CHRISTMAS SONG, BAD SA HEALTH

Jersey Sanchez / Gulat ka 'noh?!

EXCITED ka na ba sa paparating na Pasko, kaya naman halos araw-araw ito ang tema ng sound trip mo? Naku, knows ba ninyong ma­a­ari itong ma­ging sanhi ng stress?

Weh, ‘di nga?

Ayon sa survey na isi­nagawa sa American Psy­chological Association noong 2006, 61 porsi­yen­to ng mga kalahok ang nakararanas ng stress tu­wing Christmas Season.

Sa katunayan, ipinali­wa­nag ni Dr. Peter Chris­tenson ang dahilan kung bakit nakararamdam ng stress at pressure ang ka­ramihan pagdating ng Christmas Season.

Ang pa­kikinig sa mga kantang pamasko umano ay nag­bi­­bigay ng pres­sure sa mga tao dahil ipi­naaalala nito ang ilang responsibi­lidad na kaila­ngang pagtu­unan ng pan­sin tu­lad ng pamimili ng panre­galo sa mga kapamilya at kaibi­gan.

Ang stress ay maa­aring magdulot ng sakit ng ulo, pagtaas ng pres­yon ng dugo at pananakit ng dibdib. Ang mga ito ay maaaring umabot sa dia­betes, high blood pressure, asthma at arthritis.

Gayun­man, ang pag­ta­­as ng cartisol o stress hor­mone ay nakapagpa­pa­taas ng dami ng fat tis­sue sa katawan na nagi­ging sanhi rin ng pagtaas ng timbang.

Samantala, sa pag-aaral sa Washington State University noong 2003, ang pagpapatugtog uma­no ng mga Christmas song sa mga mall ay mar­keting strategy ng mga negosyante.

Ang pagpapatugtog ng mabagal na tempo ng kanta, dahil sa kalmado at nakarerelaks na musika, napapabagal ang pamimili ng mga customer kaya mas maraming oras ang inilalaan nila sa pamimili at kung minsan ay mas marami pa silang nabibili.

Kapag ang kanta na­man ay mayroong mabi­lis na tempo, kadalasang naiirita ang mga customer kaya mabilis itong nami­mili upang makaalis agad sa store.

Kaya ang paalala ng mga eksperto, hindi masa­mang makinig sa mga kan­tang pamasko, ngunit, iwa­san na raw muna ang malakas na pagpapatug­tog nito nang sa gayun ay hindi ma-stress ang la­hat at mabawasan ang noise pollution.

Kaya mga bro at sis, huwag masyadong mala­kas sa pagsa-soundtrip, ha? Gets mo?