Na-bully daw dahil sa iskandalo ng ama… KALAT NA: DIEGO, NAGTANGKANG MAGPAKAMATAY DAHIL KAY CESAR

Erlinda Rapadas / TEKA NGA

MAY ilang netizens ang nagsasabing tiyak na na-bully at na-bash nang husto si Diego Loyzaga noong nasabit ang kan­yang amang si Cesar Montano sa scandal ng Department of Tourism (DOT).

Sigurado raw na kung anu-anong ma­sasakit na salita at akusasyon ang inabot ni Diego at ito ay kanyang dinam­dam nang husto. Pinilit lang niyang itago at huwag ipahalata sa publiko na apektado siya at sobrang nasaktan.

Hanggang sa nauwi na nga ito sa matinding depression na hindi niya na kayang pigilan kaya nakagawa ng mga action na hindi niya dapat ginawa.

Naging marupok si Diego at nag­patalo sa kanyang emosyon. Mabuti na lang at siya ay agad na naagapan.