Search
  • BULGAR

Palawan, next na ipasasara?! Hmmm...

MINSAN, kailangan munang may makitang nasampulan bago maniwala.

‘Pag sinabing bawal, hindi muna magsisitigil hanggat walang naparurusahan.

Tulad ngayon, nakita na natin kung paano ipinasara ang Boracay, magsilbi na sana itong aral sa lahat.

Kung saan, ayon kay Pangulong Rodrigo Duterte, maaari ring ipasara ang Palawan. Matatagpuan dito ang iba’t ibang tourist attractions tulad ng El Nido at Coron.

Gaya ng laging paalala sa mga opisyal, residente at turista, pangalagaan ang isla at protektahan ito mula sa over exploitation.

Puwera na lang kung gusto ring matulad sa Boracay Island na isinailalim sa anim na buwang rehabilitasyon.

Una sa lahat, iwasan ang overcrowding sa isla. Huwag hayaang magkaroon ng mga hotel malapit sa beach dahil ito ay para sa mga tao at pagmamay-ari ng national government.

Dapat ding tumulong ang mga pamunuan ng mga hotel sa pagpe­preserba ng isla.

Tutal kayo ang masasabing isa sa mga higit na nakikinabang sa yaman nito, maging responsable rin sana kayo.

Pero sa totoo lang, wala namang masama sa rehabilitasyon. Sa pamamagitan nito ay nakikita natin ang tunay na kalagayan ng kali­kasan.

Hanggat maaari, talagang dapat ay magkaroon ng regular na pagsusuri sa mga ito.

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.