Search
  • BULGAR

Bilang ng mga Pinoy na walang trabaho, nasa 10 million na

RYAN B. SISON / BOSES

KUNG ano ang itinaas ng presyo ng mga bilihin, siya ring itinaas ng bilang ng mga Pinoy na walang trabaho sa ka­salukuyan, marahil, ito ang dahilan kaya marami pa rin sa atin ang lugmok sa ka­hirapan.

Sa survey na isinagawa ng Social Weather Stations (SWS), lumabas sa resulta na umabot na sa 9.8 milyong Pi­lipino ang walang trabaho sa 3rd quarter ngayong taong 2018.

Base sa resulta ng survey, nasa 22 porsiyento ang adult joblessness kung saan naitalang mas mataas ito kumpara sa 19.7 porsiyento noong June 2018.

Gayunman, sa ngayon, 9.2 percent o katumbas ng 4.1 milyong Pilipino ang nawalan ng trabaho, 8.4 percent o 3.7 milyong Pilipino ang boluntaryong uma­lis sa kanilang trabaho habang ang nati­rang 4.4 percent o 2 milyon ay ang mga nagha­hanap pa ng trabaho sa unang pag­kaka­taon.

Kung saan ito na ang naitalang pina­ka­mataas na joblessness rate sa Metro Manila na may 26.4 percent na 6.9 points itong mas mataas kumpara sa 19.4 per­cent noong June 2018.

Samantala, sa lumabas na resultang ito ng SWS, sana ay magising ang pama­halaan na lalo pang paigtingin ang pag­tulong sa lahat ng mamamayan, gayun­din, bilang mamamayan, tulungan natin ang pamahalaan nang sa gayun ay mas maging epektibo ang kanilang mga ipa­tu­­tupad at gagawing mga proyekto na may maganda talagang epekto para sa lahat.

Tuldukan ang kahirapan, dahil ito ang puno’t dulo ng lahat ng problemang kina­haharap ng ating bayan.

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.