150 E-TRIKES, LARGA - DOE

PINAGUNAHAN ng Muntinlupa City ang kam­panya para sa programa ng green transport nang tang­gapin ang 150 units ng e-trike mula sa Department of Energy (DOE).

Ibinigay ng mga kinata­wan ng ahensiya ang 150 e-trikes sa nasabing lungsod na tinaguriang E-Jeepney Capital ng Pilipinas at isa sa mga local government unit na nangunguna sa electric vehicle revolution sa bansa.

Layunin nitong isulong ang energy efficiency at ma­linis na teknolohiya sa trans­port sector.

Samantala, ayon sa Land Transportation Office (LTO), ang naturang sasakyan ay maituturing na road-worthy, na tatagal ng mahigit tatlong oras at limang pasahero ang kapasidad. Kasunod ng turnover ceremony, nagsa­gawa ng test drive sa units sa pangunguna ni Mayor Jaime Fresnedi.