Wanted na kawatan timbog

BATANGAS—Isang wanted na magnanakaw ang nadakip ng pulisya, kamakalawa sa Bgy. Emmanuel, Cuenca sa lalawigang ito.

Ang suspek ay nakilalang si Rosales Carandang, residente sa nabanggit na bayan.

Ayon sa ulat, inaresto ng mga awtoridad si Carandang sa bisa ng warrant of arrest na inisyu ng korte kaugnay sa kinasasangkutan nitong kasong theft sa lalawigan.

Kusang sumama sa pulisya si Carandang nang dakpin ito sa nasabing lugar.