Electrician tiklo sa shabu

NUEVA ECIJA—Isang electrician ang inaresto ng pulisya nang makumpiskahan ng shabu, kamakalawa sa Bgy. Siclong, Laur sa lalawigang ito.

Ang suspek ay kinilalang si Aldrin Mones, residente ng nasabing barangay.

Ayon sa ulat, sinalakay ng pulisya sa bisa ng search warrant ang bahay ni Mones at dito nakumpiska ang tatlong sachets ng shabu.

Nakapiit na si Mones na nahaharap sa kasong paglabag sa Dangerous Drugs Act of 2002.