Customs, 'pag naging private, lalong babaha ng shabu, buwisit!

PABLO L. HERNANDEZ III / PRANGKAHAN

2 ‘STRIKE’ NA ANG MGA MANGGAGA­WA KAY P-DUTER­TE —Dahil hindi na maka­usad sa sobrang taas ng presyo ng mga bilihin, LPG, bayarin sa kur­yen­te, tubig at pamasahe ang hirit ng mga mang­gagawa ay P320 dagdag-suweldo, pero ang masak­lap P25 lang ang inaprubahan ng Duterte gov’t.

Nakakadalawang “strike” na ang mga mang­gagawa kay P-Du­terte kasi matapos hindi tupa­rin ang campaign pro­mise na wawakasan niya ang “endo”, ngayon ang inaprubahan na dagdag-daily suweldo sa workers ay P25 lang na kulang pang pambili ng isang kilong NFA “bukbok” rice, buwisit!

◘◘◘

KAPAG PRIVATE NA ANG BUREAU OF CUSTOMS BA­KA LALONG BUMA­HA NG SHABU SA PILI­PINAS? — Ang nais ni Sen. Pres. Vicente ‘Tito’ Sotto III ay isapribado na ang Bureau of Customs (BOC) at tanggalin na ito sa pamamahala ng gobyerno.

Ganu’n, paano kung dummy ng mga bigtime drug syndicate ang “manalo” sa bidding at makabili sa Bureau of Customs?

Aba, Tito Sen, esep-esep din ‘pag may time kasi baka ang mangyari niyan kapag may konek­siyon sa droga ang mama­hala sa Bureau of Customs ay baka araw-araw, tone-tone­ladang shabu na ang pumapasok sa bansa at maging sentro na ng kalakaran ng droga sa buong mundo ang Pilipi­nas, susmaryosep!

◘◘◘

PIÑOL, TAGILID KAY P-DUTERTE—Nagpahiwatig ng pag­kainis si P-Duterte kay Sec. Manny Piñol ng Department of Agriculture (DA) nang hindi ito sumipot sa command conference kaugnay kung paano masosolus­yunan ang problema ng mga magsasaka at mangingisdang naapek­tuhan ng Bagyong Rosita.

Dahil diyan, dapat ihanda na ni Piñol ang kanyang sarili kasi baka magulat na lang siya isang araw na sinibak na siya ni P-Duterte, abangan!

◘◘◘

SANGKATERBANG MAGLO-LOTTENG SA PARAÑAQUE CITY—Hindi lang pala si “Joy” ang may pa-lotteng sa Parañaque City kundi pati sina “Jr”, “Lidon” at “Rene”.

Kung ganu’n, ang dami palang maglo-lotteng sa jurisdiction nina Mayor Edwin Olivarez at Parañaque Chief of Police Rogelio Ro­sa­les, buwisit!