Search
  • BULGAR

Mga maagang nangangampanya, huwag iboto!

ALAM nang mali, ginagawa pa rin!

Ganyan kagagaling ang mga astang kagalang-galang na kandidato pagdating sa usapin ng premature cam­paigning.

Palibhasa, alam nilang may butas ang batas kaya sinasa­mantala. Paulit-ulit na ipinaliliwanag ng Comelec na kapag humirit ang kandidato sa media na mag-cover ng kanyang aktibidad, maliwanag pa sa sikat ng araw na ito ay isang uri ng premature campaigning!

Meron man o walang salita na humihimok sa tao na iboto ang isang kandidato, ang mga materyales tulad ng posters na may picture nila ay isang campaign propaganda.

Hindi man nila palagyan ng “iboto n’yo ‘ko”, basta nandu’n ang pag­mu­mukha nila, mali na ‘yan! Ang problema, hanggat hindi nai­sasa­batas ang panukalang pag-amyenda sa batas na nagbabawal sa pre­mature cam­paigning, hindi pa rin maparurusahan ang mga epal na pulitiko.

Gayunman, kailangan pa ba ng batas sa mga bagay na alam naman nating mali?

Alam nating may sinusunod tayong kalendaryo. May panahon kung kailan dapat magsumite ng certificate of candidacy at siyempre may tamang panahon din sa pangangampanya.

Palibhasa, ‘yung iba, ang trip ay ubusan ng pera at pakapalan ng mukha kaya hindi na kinikilala kung ano ang tama sa mali. Kaya tayong mga botante, maging mapanuri at galingan ang pang-amoy.

Kung nadadalas ang pag-iikot ng mga kandidato sa ating barangay, alam na! ‘Yung mga tarpaulin na lahat ng okasyon may pabati pati sa mga lamay, alam na!

At hindi man sila maparusahan sa batas, sa halalan tayo na ang humatol! Huwag iboto ang mga maeepal na kandidato!

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.