INDONS AT KOREANS, DOMINADO ANG WEIGHTLIFTING CHAMPIONSHIPS

DINOMINA ng mga kinatawan ng Asya ang kompetisyon sa limang bagong kategorya na isi­nu­long sa 2018 Interna­tional Weightlifiting Fe­deration (IWF) Weightlif­ting Championships sa Ashgabat, Tukmenistan pero hindi napabilang ang pangalan ng Pinay na si Hidilyn Diaz sa mga na­kasampa sa podium.

Si North Korean bet Yun Chol Om ang nangi­babaw sa 55 kgs na grupo ng kalalakihan samanta­lang ang Indonesian na si Eko Yuli Irawan ang nagkampeon sa pangkat ng men’s 61 kgs.

Ang malupit na wo­men’s troika naman mula sa Thailand na sina Thunya Sukcharoen (45 kgs), Cha­yuttra Pramongkhol (49 kgs) at Sukanya Sri­surat (55 kgs.) ang naka­akyat sa trono ng kani-kanyang grupo.

Samantala, hindi na nadagdagan ang koleksi­yon ni Diaz na tatlong tanso at isang pilak sa ka­saysayan ng world cham­pionships nang nabigo itong makapag-uwi ng kahit na anong klase ng me­dalya ngayong taong ito.

Wala na sa kalendaryo ng kompetisyon ang gru­po ng mga 53 kilograms na mga babaeng weight­lif­ters.

Matatandaang sa weight bracket na ito na­kasikwat si Diaz ng Olym­pic Games silver medal at Asian Games gold.

Sa halip ay nasa grupo na siya ng mga may bigat na 55 kgs kasama ang 41 iba pang weightlifters.

Pero sa Ashgabat, ang la­kas ng Pinay ay nasa pang-11 puwesto lang sa stan­ding dahil sa nabuhat niyang 93 kgs. sa snatch, 110 kgs sa clean & jerk at 203 kgs sa kabuuan (ang nagkampeong Thai ay na­kapagsumite ng 232 kgs.).

Isa pang pambato ng Pilipinas ay sumabak din sa kompetisyon pero hin­di nagmarka.

Si Eileen Rose Perez ay tumapos sa pang-29 na baytang sa 49 kgs bracket na nilahukan ng 34 na atleta dahil sa kanyang naipakitang 65 kgs. sa snatch, 83 kgs sa clean & jerk at total na 148 kgs.