17 tigok sa pagbaha

UMABOT na sa 17 katao ang naitalang nasawi dahil sa hindi magandang la­gay ng panahon at pagbaha sa Italy.

Nagtamo ng malaking pinsala ang ilang bahagi ng Italy dahil sa malakas na pag-ulan at hagupit ng hangin. Ito na umano ang pinakamalalang pagbaha sa Venice sa loob ng isang dekada.

Hindi rin nakaligtas sa masamang panahon ang mga kagubatan kasama na ang “Violin Forest” sa lakas ng hangin na umabot sa 190 kph.

Ayon sa pangulo ng Veneto Regional Council na si Roberto Ciambetti, nasa 300,000 na ang natumbang puno sa Val d’Assa sa Asiago Plateau.