Away sa parking AKTOR, NANAPAK

ARESTADO ang aktor na si Alec Baldwin matapos manapak dahil sa agawan sa parking space sa New York.

Ayon kay New York Police Department Lieutenant John Grimpel, nagtamo ng injury sa kaliwang panga ang 49-anyos na biktima ni Baldwin.

Agad dinala sa istasyon ng pulisya ang aktor na nahaharap sa kasong assault and harassment.

Samantala, tumanggi itong magbigay ng pahayag ngunit, sinabi nitong handa siyang harapin ang isinampang kaso kasama ang kanyang abogado.

Sa pahayag ng biktima, nauna siyang dumating sa parking space ngunit, agad siyang kinompronta ng aktor na nauwi sa pagtatalo at panununtok nito sa kanya.