Kelot dedbol sa motorsiklo

PANGASINAN—Isang lalaki ang namatay nang aksidenteng mabangga ng motorsiklo, kamakalawa sa Bgy. Matic-Matic, Sta. Barbara sa lalawigang ito.

Kinilala ang biktima na si Rogelio Villota, nakatira sa nasabing barangay.

Nabatid na tumatawid umano sa kalsada si Villota nang mabangga ito ng motorsiklong minamaneho ni Mortin Marmol, nakatira sa Bgy. Tebag sa naturang bayan.

Sa lakas ng pagkakabangga ay nabagok sa sementadong kalsada ang ulo ni Villota na naging dahilan ng kamatayan nito, samantalang, nakapiit na si Marmol na nahaharap sa kasong reckless imprudence resulting in homicide.