2 magsasaka sugatan sa mga armado

NORTH COTABATO — Dalawang magsasaka ang sugatan nang barilin ng mga hindi kilalang armadong lalaki, kamakalawa sa Bgy. Malingao, Midsayap sa lalawigang ito.

Nakilala ang mga biktima na sina Mohammad Abdul at Daniel Manidsil, kapwa residente sa nasabing lalawigan.

Ayon sa ulat, nakatayo umano ang dalawang biktima nang lapitan ng mga suspek at agad pinagbabaril sa hindi pa malamang dahilan.

Ginagamot na sa ospital ang dalawang biktima, samantalang, pinaghahanap pa ng mga awtoridad ang mga suspek.