GRASSROOTS NG ARNIS, LAGANAP NA SA PLAY ‘N LEARN SPORTS

KUNG napapasyalan at napanood ni Arnis Philippines president and chairman Juan Miguel Zubiri ang weekly Learn and Play Sports for Free tiyak na marami siyang matutuklasan na martial arts player na kanyang pinagsumikapan na pala­ganapin at nagbubunga na ito sa national level.

Marami nang Pinoy ang nahihilig at naglalaro ng arnis mula nang isi­nama sa mga sports na nilalaro tuwing Linggo sa sports activities na inilun­sad ng Malacañang sa pa­­mamagitan ng Exe­cutive Order na palaga­napin ang palakasan sa bansa na pinangasiwaan ng Philippine Sports Com­mission na pinamu­mu­nuan ni Chairman William Ramirez.

Hinirang ni Ramirez si coach Reynaldo Pos­trado upang turuan ng arnis ang mga enthu­siasts nang rudiments of self defense sa loob nang dalawang oras.

Noong una kaunti ang lumahok. Ngayon dumarami ang nahihilig at gustong matuto ng arnis hindi lang pang-self de­fense at gumaling at ma­kapaglaro sa Batang Pi­oy, Philippine National Games, PRISAA, Pala­rong Pam­bansa at mga torneo na ti­na­guyod ng Arnis Philippines.

“The reason arnis include in the Learn and Play Sports for Free ostensibly to promote and propagate arnis nationally and interna­tionally like taekwondo, kungfu, judo, karate, jiu jitsu , and muaythai,” wika ni Ramirez.