Lahat ng big stars tulad ni Regine nasa Dos na… BAGONG SHOW NG SIYETE, PURO STARLET ANG BIDA

Erlinda Rapadas / TEKA NGA

KAHIT may mga detractors na nagsasabing walang malalaking singers at celebrities sa Studio 7, still, mataas ang ratings ng show at marami na ang nanonood tu­wing Linggo. At ang mga Kapuso artists na kasama rito ay hindi nagpapa­apekto, bagkus ay best effort ang ibini­bigay nila sa bagong musical variety show.

May following naman sina Christian Bautista, Mark Bautista at Julie Anne San Jose, ganu’n din sina Kyline Alcantara, Rayver Cruz, Donita Nose at Tekla, ang grand champion ng The Clash na si Golden Cañedo at ang apat na Top Clashers.

Sana, mai-guest din ng Studio 7 sina Jennylyn Mercado, Yasmien Kurdi, Manilyn Reynes at iba pang Kapuso singers.

Bakit hindi rin i-guest ang OPM Hit­men na sina Rannie Raymundo, Chad Borja, Renz Verano at Richard Reynoso?