Noranians, binastos at pinaglaruan daw… NORA: AYAW KONG MAGING NATIONAL ARTIST!
KAHIT pa ang dami-daming nagpu-push na gawin nang National Artist si Nora Aunor, ayon sa Superstar, hindi niya ninais na makuha ang titulong ito.
Sa kanyang statement nu’ng Thursday (Oct. 25), aniya, kuntento na siya sa respeto na natatanggap mula sa mga Noranians at kanyang mga katrabaho sa industriya.
Aanhin daw niya ang award kung kasunod naman nito ay pagkuwestiyon sa kanyang pagkatao at kakayahan? Kaya aniya, itigil na raw ito.
Ani Nora, “Sapat na po ang respetong natatanggap ko sa mga kasamahan ko sa trabaho. Kung gagamitin lang naman ang National Artist para pagpiyestahan at hamakin ang mga personal kong pagpupunyagi sa buhay – ako na ang nakikiusap na itigil na po natin ang lahat ng ito.”
Dagdag pa niya sa patuloy na pagkuwestiyon sa kanyang karapatan na mabigyan ng award, “Hindi ako ang binastos at pinaglaruan nila kung ‘di ang mga Noranians, mga taong nagtitiwala at naniniwala pa rin sa talentong ibinigay ng Diyos sa akin,”
Comments