After 20 yrs. napakinabangan, Dos daw ang No. 1 station… KAPUSO STARS, TAMEME SA MGA HIRIT NI REGINE

Erlinda Rapadas / TEKA NGA

KUNG gaano kainit ang pagtanggap kay Regine Velasquez ng mga dinatnan ni­yang Kapamilya stars, especially ang mga bumubuo sa A.S.A.P., minabuti naman ng mga Kapuso artists na dati ni­yang ka­tra­baho sa Siyete na manahimik na lang at huwag nang mag-comment sa mga dek­larasyong binitiwan ng Asia’s Songbird patungkol sa GMA-7.

Super bina-bash ngayon si Regine sa kawalan niya ng utang na loob sa network na 20 years din naman niyang pinakina­bangan at pinagkakitaan dahil sa hirit niyang ABS-CBN ang No. 1 TV station.

Reynang-reyna rin naman ang trato ng GMA Network sa Asia’s Songbird. Kung ano ang gusto niyang show ay ibi­nibigay sa kanya. Hindi naman nabakan­te at nawalan ng show si Regine sa Kapuso Network. May sarili siyang trono sa Siyete, kahit walang titulong tulad ng Primetime Queen na si Marian Rivera.

Nagho-host siya ng talent search show. May sarili rin siyang cooking show. Umayaw naman siya sa rom-com serye.

Naitanong nga namin noong presscon ng The Clash kung kailan ba siya uli gagawa ng rom-com serye, pero “Hindi muna, pahinga muna ako,” ang natatan­daan naming sagot ni Songbird.

Pati raw pelikula, ayaw muna niyang tumanggap. Pero, nabago na ang lahat nang lumipat siya sa Dos.