FIL-NORWEGIAN KITEBOARDER TIO, MAY P2.5M INCENTIVE

MULING pinatunayan ng mga Pinoy ang kanilang galing sa sports na walang height factor sa ipinamalas ni Christian Tio nang makapilak sa kite boarding sa katatapos na World Youth Olympics sa Argentina.

Sinungkit ng 17-anyos na taga-Boracay ang pilak na pumangalawa kay Giury Corniel ng Dominican Republic. “Masaya ako dahil hindi ako nabigo at nabigyan ko ng karangalan ang ‘Pinas sa una kong pagsali sa World Youth Olympics. Mas maganda sana kung ginto,” sabi ni long haired Tio, anak ng Norwegian father ng Oslo at Pinay na Aklanon. “I trained and prepared hard since I was selected one of the athletes to play in the World Youth Olympics. I’m happy indeed all my efforts and sacrifice paid off,” masayang sinabi ni Tio.

Sa pagdalo ni Tio sa press conference na ipinatawag ni Philippine Sports Commission Chairman William Ramirez, ikinuwento niya ang tagumpay sa Buenos Aires, Argentina. Sa kanyang silver medal finished tatanggap si Tio ng P2.5-M incentives sa PSC, ayon sa isinasaad ng batas na bigyan ng cash rewards ang atletang medalists sa World Youth Olympics, Olympic Games, Asian Games, SEA Games, Asian Para Games at ASEAN Para Games. “Ilalagay ko sa bangko bilang paghahanda sa aking kinabukasan at pag-aaral, Mabuti na yung may nakahandang pera at hindi na kailangang maghanap pa.”