BATTLEGROUND OF TALENTS SA SUPERLIGA BUKOD SA BATTLE FOR PRIDE AND GLORY

HINDI lamang ‘battle for pride and glory’ ang Philippine Superliga Collegiate Grand Slam sa mga pinakamahuhusay na players sa bansa.

Magsisilbi rin itong battle­ground sa mga may talent at ma-expose sa laro ang mga ito at mahubog para sa next phase ng kani-kanilang athletic careers.

Sinabi ni University of the Philippines (UP) head coach Godfrey Okumu na pala­laruin niya ang kanyang rookies at iba pang young players sa pagbubukas ng inaugural edition ng inter-collegiate tournament sa Nob. 3.

Si Okumu, na handang pangunahan ang Lady Maroons tungo sa pagtuntong sa Final 4 ng University Athletic Association of the Philippines (UAAP) aniya ang pagkakaroon ng CGS ay isang malaking pagkakataon para sa preparasyon ng mga bata pagtuntong sa elite level ng laro.

“My team is composed of very young rookie and veteran members. So, this tour­nament will help us get the exposure we need,” aniya. “I believe that my team will learn again how to deal with losses and wins every game. So to me, this tournament can help us grow, especially our young players.”

Sang-ayon kay Far Eastern University (FEU) coach Rey Diaz ang CGS na rin ay isang mainam na tsansa pra sa kanyang pla­yer na makagamay sa uri ng kompetis­yon na ginagawa sa PSL. “We treat it as a blessing. This is such a big blessing to the players,” saad ni Diaz.

“We’re expecting our players to gain a lot of exposure and raise their level of com­petition here in the PSL.”

Sinabi ni PSL vice president Ian Laurel na ang layunin ng CGS ay matulungan na paunlarin ang grassroots volleyball sa pag­bibigay sa collegiate players ng tsansa na lalaro sa kada paglarga ng kompetisyon.

Ang kainaman, ipatutupad ng CGS ang PSL rules kung saan ang coaches ay pina­payagan na gamitin ang video challenge at tablet systems habang nasa aktuwal ang kompetisyon.

“Since these teams are preparing for their big tournaments, we might as well give incentives for their training camp, most likely in Thailand for seven to 10 days,” saad ni Laurel. “With this kind of incentive package, we expect everybody to go all out and fight for the crown.”

Bukod sa UP at FEU, babanat din sa aksiyon sa lingguhang engkuwentro ang De La Salle-Dasmariñas, University of Santo Tomas, University of the East at Colegio San Agustin. (MC)