Search
  • BULGAR

Babala sa mga may kulugo sa ari!

SHANE M. LUDOVICE, M.D / SABI NI DOC

Dear Doc. Shane,

Gusto kong malaman kung bakit nagkakaroon ng kulugo sa ari ang babae at saan ito nakukuha? Gayundin, paano ito ginagamot para hindi dumami? Nababahala kasi ako na baka mahawahan ko ang aking kinaka­sama.—Jenny

Sagot

Ang pagkakaroon ng kulugo sa ari o genital wart ay isang uri ng sakit na nakukuha sa pakikipagtalik. Lumilitaw ang mga ito sa ari ng lalaki at babae at maging sa puwit. Ito ay dala ng im­peksiyon mula sa condylomata acuminate o human papilloma virus (HPV). Kabilang sa mga sintomas ng sakit na ito ang pangangati ng mga kulugong natatagpuan sa loob at labas ng ari. Nagsisimula ang mga kulugo bilang mga maliliit na butlig na lumalaki na tila mga cauliflower. Kasama sa mga kumplikasyon ng sakit ang pagkakaroon ng kanser sa matris at puwit. Naililipat sa ibang tao ang mga kulugo sa ari sa pamamagitan ng pakikipagtalik, partikular kung mayroong mga kulugo ang kasiping, gayundin, sa ina at sanggol dahil mayroong pagkakataon na mahawa ang sanggol mula sa ina na may kulugo sa panahon ng pagsisilang.

Gayunman, hindi ma­daling nagagamot ang virus na ito sapagkat kahit mai­pagamot na ay patuloy pa rin itong nakahahawa, gayun­man, isinasagawa ang pag­su­suring papanicolau (pap smear o pap test) para sa kababaihan. Nangyayari ang pagkahawa kahit walang napapansing mga palatan­daan kaya pinapayuhan na agad kumonsulta sa OB- Gyne para masuri ito.

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.