200 kabahayan natupok
- BULGAR
- Aug 23, 2023
- 1 min read
@Balitang Probinsiya | August 23, 2023
ZAMBOANGA DEL SUR -- Mahigit 200 bahay ang tinupok ng apoy sa naganap na sunog kamakalawa sa Bgy. Camino Nuevo, Zamboanga City sa lalawigang ito.
Ang sunog ay nagmula sa isang tahanan at dahil sa gawa sa light materials kaya mabilis na nadamay ang iba pang kabahayan sa nasabing barangay.
Napag-alaman na umabot sa halos 5 oras bago naapula ng mga bumbero ang sunog.
Wala namang iniulat na nadisgrasya sa naganap na insidente.
Sa ngayon, inaalam pa ng mga arson investigator ang sanhi ng sunog at halaga ng napinsala ng sunog.
Comments