2 wanted, patay sa shootout

@Balitang Probinsiya | November 17, 2020

NORTH COTABATO—Dalawang most wanted ang napatay nang manlaban at makipagbarilan sa pulisya kamakalawa sa Bgy. Natutungan, Matalam.

Kinilala ang mga suspek na sina Kamlon Mantawil at Abdullah Banggaan, kapwa pansamantalang nakatira sa nasabing barangay.

Ayon sa ulat, may nag-tip sa pinagtataguan nina Mantawil at Banggaan at darakpin sana sila ng mga operatiba sa bisa ng warrant of arrest na inisyu ng korte kaugnay sa kinasasangkutan nilang murder at carnapping, pero biglang pinagbabaril ng mga suspek ang mga awtoridad.

Dahil dito, agad gumanti ng putok ang mga awtoridad kaya napatay ang mga suspek.

Nakakumpiska ang mga awtoridad ng dalawang baril, bala at sachet ng shabu sa pinangyarihan ng insidente.