2 tulak ng marijuana, arestado
BULGAR
Apr 25, 2021
1 min read
@Balitang Probinsiya | April 25, 2021
SANTIAGO CITY—Dalawang drug pushers ng marijuana ang nadakip sa drug-bust operation ng pulisya kamakalawa sa Bgy. Sinsayon.
Ang mga suspek ay kinilala ng pulisya na sina Roger Bangawan, 33-anyos, residente ng Pinukpok, Kalinga at Raymond Ferrer, Pozorrubio, Pangasinan.
Ayon sa ulat, naaresto ang dalawang suspek sa isinagawang drug-bust operation ng mga awtoridad sa nasabing lugar.
Nabatid na nakakumpiska ang mga operatiba ng anim na bloke ng marijuana at markadong pera sa pag-iingat ng mga suspek.
Nakapiit na ang mga suspek na kapwa nahaharap sa kasong paglabag sa Comprehensive Dangerous Drugs Act of 2002.
Comments