2 tulak, arestado sa buy-bust

@Balitang Probinsiya | November 12, 2020

BAGUIO CITY—Dalawang drug pushers ang naaresto sa isinagawang buy-bust operation kamakalawa sa Bgy. Guisad Central.

Kinilala ang mga suspek na sina Clint Macachor, residente ng Maynila at Reynaldo de Castro, residente ng Bulacan.

Ayon sa ulat, may nag-tip na nagbebenta ng shabu sina Macachir at De Castro kaya nagsagawa ng buy-bust operation dahilan kaya naaresto ang mga suspek.

Napag-alamang nakakumpiska ang mga awtoridad ng 50 gramo ng shabu sa pag-iingat ng mga suspek.

Hindi nanlaban sa pulisya ang dalawang suspek na kapwa nahaharap sa kasong paglabag sa Dangerous Drugs Act of 2002.